Koiadan Di Tanak Kakadazan (Kadazan version)

Kinosusuvon ku om kinagazaan ku id kakadazan,
Pinoposondot komogoton om kobuuan doid dogo,
Nga’ noubat o tanak kakadazan,
Tu kivaa bo gia kasanangan...

nga’ mosikin id kotos do koubasanan,
Kadazan bo gia o tinau’,
nga’ aiso i toihaan do mimboos,
sabab do au’ pinotuduk di komohoingan,
Do popoingkavas ningkokoton do koposizon o ponuuan dioho'...

Sundung tu’ bo gia do poingkaa,
Potonduhion ku nopo i lahan do koposizon ku,
Iho dii navazaan di taki-aki ku id timpu di nakatahib,
Pinsingihaan ku ngaavi’ i kotos do boos tinungkusan.
Toinsanan nopo i miho do oihaan..
Om baino nokoiho zou nodii,
Do au’ po gia nokoompus o toihaan ku,
Tu’ au’ no kozo koomit di tinahampas di taki-aki ku..

Koondom zou timpu di tahaid no,
Di maso do magkahasa zou do mimboos,
Gisom do intition dii tuhun.
Om nokosoou zou nogi’ do nung soou po ma daa,
do okon ko’ sinakagon zou do Kadazan,
aiso no do paatakan ku do mamabo’ ngaavi’ dino,

Somoonu’ oluo o ginavo ku,
Okudian do tutuduk do sumaahom doid kohumisan do boos tokou,
Tu ogumu’ po di au’ noihaan,
Om osodu po o pamanaan ku.
Om id tindahanon nopo dii,
Mou-soou zou nopo,
I kinahasaan di komohoingan,
Avasi’ daa bo gia paantakan dioho’,
do popoingkavas ningkokoton,
Nga’ nokuo tu’ pinotohikudan dioho’ o boos tinungkusan dii tohumis,
Om pinotihombus dioho’ i

Nung songian daa mahup-tahup o boos tokou
Gisom ii do opunso,
Kovihiu no mati iso po vagu’ koiadan,
Koiadan di tanak do kakadazan,
I sinakagon do Kadazan,
koiadan di poingompus…
Tu’ natahup nodii boos tinungkusan

Sinuratan di Andreas Alex (19/04/2011)
Pinadahin dii Nelane Peter do mantad boos Dusun kumaa id Kadazan(24/06/2011)

Like