KADA’ TINGKOD

Inutip mantad di buuk toniini' SISINDION om OO'OITON HOZOU (Poems & Lyrics),
nuhud di Alpheus Disuil.

Inuhud ko-1 pinahabus do www.lulu.com, USA.
Inuhud ko-2 pinahabus do A.D.Enterprise, Sabah.

Songian nopo do au’ tumunud ngaavi’ o nuununu,
tu’ ingkaa no mai’ do somoonu’, songian nopo do
miaga ko’ tumakad nopo ngaavi’ i lahan do vazaan nu,
songian nopo do ogumu’ o tutang om okudi’ no o usin,
om kumidum ko daa, nga’ kopongonsu ko i’,
songian nopo do kopodulianan nu nopo nga’ koponoto diau tokudi’ –
mositi do mundoong ko, nga’ kada’ tingkod.

Pamaamasi nopo nga’ poinsuusuvai miampai
kivao do mikiikihong om miguuguhi’,
miaga di oihaan somoonu’ do tosoosonguhun dotokou.
Om ogumu’ mai’ tuhun maahing, songian do
nakahantoi no ma isido nung tuminoboi daa isido.
Kada’ tingkadai sundung po tu’ do miaga ko’ osoogoi o kobuuo’ –
kahantoi ko daa dii do ii’insan ko po kinam.

Saasau’ do ii nopo dimpoton nga’ osomok no daa montok tuhun
di tomungkang om miibimbing po; saasau’ do ii mininggisom kopizo nakazada’ no
songian do nasagkom no daa disido i sasavan montok di kahantoi;
nga’ nakahambat kozo isido nokoiho do imang tonob i tadau.
Songkuo po daa sinomok disido di tupi’ do buhavan.

Kahantazan nopo nga’ ii au’ nokohipantai minangan bohiko’ –
i buis piok do gavun ngaavi’ do kopiduvaan ginavo,
om au’ ko i’ kaanu mongiho do songkuo po daa
sinomok nu dii, osomok no dati’ ii nga’ miaga ko’ osodu’.
Iho’ nodii do sunsungan nopo i pihavanan songian oontok ko di topuod no kozo –
ontok no do miaga ko’ nunu noopo ngaavi’ nga’ osusa’ kozo
do mositi au’ ko magampu. 

Pinosudong mantad DON’T QUIT Pinosuang di A.D. doiti @ 20-8-11.